Por pasa busca e pakete 2018 di loonbelasting, BBO/BAZV, BBV, BBVAM, Speelvergunningsrecht y Toeristenheffing

Mester acudi personalmente

Contenido di e paketenan

Pa cada tipo di belasting menciona lo otorga 1 pakete cu ta contene 12 formulario di declaracion. Solamente e paketenan di loonbelasting ta contene 12 formulario di declaracion hunto cu 1 formulario di ‘Verzamelloonstaat’, 1 formulario di ‘Verzamelstaat opgaaf derden’, 1 Werknemersverklaring, 1 Loonopgaaf y 1 Opgaaf derden.

Na unda por busca e pakete?

Por busca e paketenan na e edificio anexo di oficina principal na Camacuri, na e local banda di unda ta busca plach’i number di auto. Mester drenta na porta number 4. E orario di servicio ta: 8:00 am – 4:30 pm.

Alabes ta conseha tur cliente pa bin cu e persoonsnummer di e empresa. Esaki ta pa facilita cu e proceso di entregamento di e pakete na e cliente ta bay mas lihe.

Conseheronan fiscal

E conseheronan fiscal por manda un lista di nan clientenan via e-mail: pakket@impuesto.aw

E conseheronan lo mester trece un carta di apoderacion di cada un di nan clientenan na momento di busca e paketenan.

Cliente cu no a registra ainda

Pa e clientenan (nobo) cu no a registra ainda sea pa loonbelasting, BBO/BAZV, Toeristenheffing, Speelvergunningsrecht, BBV y/of BBVAM, ta bay un apelacion pa pasa na oficina di Departamento di Impuesto mas pronto posibel pa cuminsa cu e proceso di registracion.

Departamento di Impuesto ta haci un apelacion na tur cliente y consehero pa no warda te na ultimo momento, debi cu esaki por trece un fluho di cliente enorme, cu ta causa cu e tempo di espera ta bira mas largo.

Fecha final

E fecha final pa haci e declaracion y pago di luna di januari 2018 ta 15 di februari 2018.