Polis cu cambio den peticion pa permiso pa evento social , deportivo y educativo

Manera ta conoci, tur persona of organisadonan di eventonan social, deportivo of educativo, cu ta mara na un permiso, mester tene cuenta cu mester haci e peticion na tempo. Antes bo mester a haci bo peticion 10 dia di trabao prome cu e fecha di e evento. Desde diabierna 1 di november 2019 mester haci e peticion 12 dia di trabao prome cu e fecha di e evento. 

Tene cuenta si cu diasabra, diadomingo of dia di fiesta NO ta conta den e 12 dianan aki. Tambe tene na cuenta si un persona of organisacion haci un peticion pa un evento y resulta cu e tin un permiso bieu cu no a ser busca ni paga, lo tin cu paga pa esun bieu prome cu haya esun nobo.

Lo no procesa peticion cu a entrega menos cu 12 dia di trabou (prome cu e fecha di e evento). E rekisitonan pa haci un peticon pa cu un permiso ta keda mescos. Polis ta pidi tur hende concerni pa tene bon cuenta di e cambio menciona.

Cuerpo Policial ta subraya cu mester obedece tur ordo di Polis relaciona cu orden publico y Polis ta autorisa pa para e evento na momento cu orden publico ta rekeri esaki of na momento cu constata cu a viola cualkier di e condicionnan aki.