Plan nacional pa atende cu e problematica di cacho na Aruba

Dit item is gearchiveerd op 24-07-2020.

ORANJESTAD – Ta ehecuta e plan nacional pa atende e problematica di cacho na Aruba

E plan ta uno cu ta rekeri atencion multidisciplinario for di diferente ministerio, tambe di diferente NGO’s y varios stakeholders. E plan ta parti den accionnan cu tin di tuma luga inmediatamente y accionnan den corto y largo plaso. E plan aki a keda aproba door di Conseho di Minister den su totalidad na juni 2019 y porfin lo cuminsa ehecut’e. Lo ta e prome biaha cu Gobierno huntu cu NGO’s ta bay atende ampliamente cu e problematica aki, pa asina hunto yega na un solucion duradero pa e problema. 

Ta un hecho cu na Aruba tin demasiado cacho riba caya. Pero e hecho mes ta, cu na Aruba nos tin demasiado doño cu no ta atende debidamente cu nan mascotanan. 

Enbes di papia di e problematica di ‘kill cage’ of e problematica di e ley di cacho, of di cachonan riba caya y e tantisimo cachonan cu auto ta dal, ban papia di e problema real, cual ta e doño iresponsabel. 

NGO’s cu ya pa añanan ta atendiendo cu e problematica aki, ta inverti nan tempo y esfuerso den campañanan di conscientisacion, sterilisacion y adopcion. 

Gobierno a inverti semper den eutanasia di e bestianan indesea y tambe, ora por, den campañanan di conscientisacion. E efecto di tur locual Gobierno y NGO’s a yega di haci ta mustra cu e efecto ta uno temporario. E cantidad di cacho y pushinan cu Servicio Veterinario ta pone drumi pa aña ta baha un temporada cortico, pero despues, e cantidad ta bolbe subi. E efecto di tur esfuerso di Gobierno y NGO’s mester ta uno duradero. P’esey un Plan Nacional cu ta atende cu e problematica di cacho riba caya, incluyendo e killcage y e Ley di Cachota esencial.

E metanan di e Plan Nacional ta pa: 

  1. stimula doñonan pa ta mas responsabel cu nan mascotanan;
  2. mehora salud y bienestar di e cachonan cu tin doño y tambe di esunnan sin doño;
  3. reduci e cantidad di cachonan cu ta riba caya; y 
  4. preveni importacion y negoshi ilegal di cachonan.

Plan Nacional; Control di populacion di cacho

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options