Periodo di 6 luna entre segundo vacuna pa e boostershot awo a bira di 3 luna

ORANJESTAD - Anteriormente pa por a ricibi e 'boostershot' DVG tawata warda un periodo di 6 luna despues di a ricibi e di dos vacuna of despues di a test positivo pa e persona por busca e 'boostershot'.

Desde 28 di december 2021 cu aprobacion di European Medicines Agency (EMA) Aruba ta reduci e periodo entre vacuna 2 y booster na 3 luna y tambe pa es cu a test positivo despues di e di dos vacuna lo tin pa warda unicamente 3 luna pa ricibi e booster. E cambio aki ta uno efectivo y tambe sigur.

Esaki ta significa cu tur persona di 50 aña of mas cu a ricibi nan di dos vacuna 3 luna pasa of es cu a test positivo 3 luna pasa of mas por acudi na Centro Libertador Betico Croes riba dia 28, 29 of 30 di december for di 8or di mainta te cu 3or di atardi pa busca nan 'boostershot'.

Di tres vacuna di COVID-19 di 27 pa 30 december 2021.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options