“Passenger Flow Control” na check-in pa pasaheronan pa Merca

ORANJESTAD –Aruba Airport Authority N.V. (AAA) ta informa cu desde 24 di juni 2022, tur pasahero biahando pa Merca lo haya acceso na e terminal di check-in basa riba e 4 gruponan mara na cierto codigonan di color como parti di “Passenger Flow Control”.

E codigonan di color pa check-in pa cada grupo awor ta:

  • Grupo geel (YELLOW) por check-in awo entre 08:00 AM – 10:30 AM;
  • grupo color blauw (BLUE) por check-in awo entre 10:30 AM - 11:30 AM;
  • grupo nobo berde (GREEN) por check-in entre 11:30 AM – 1:00 PM;
  • grupo oranje (ORANGE) por keda check-in entre 1:00 PM - 3:00 PM.

E concepto di Passenger Flow Control ta encera lo permiti e pasaheronan pa drenta e check-in terminal basa riba e gruponan separa cu nan codigo di color (Geel, Blauw, Berde y Oranje) cu a determina a base di e orario di salida di e vuelonan. Pasaheronan lo haya un tempo pre-determina pa drenta e check-in terminal manera indica den e tabel aki bou.

Codigo di color Passenger Flow Control (Geel, Blauw, Berde y Oranje).     Codigo di color Passenger Flow Control (Geel, Blauw, Berde y Oranje).

Lo determina e tempo pre-determina aki pa bishitantenan basa riba e informacion cu nan indica den e ED (Electronic Disembarkation) Card na yegada unda ta indica e orario di vuelo di salida. Residentenan biahando for di Aruba pa Merca lo mester wak e orario di e salida di nan vuelo pa determina ki ora nan lo ta permiti pa cuminsa e proceso di check-in (no mas prome cu 3 ora prome cu e buelo sali). 

Tur pasahero mester tin su boarding pass na man pa por drenta e area di check-in, mirando cu AUA Airport tin embahadornan trahando na e entrada pa controla cada pasahero. Pasaheronan cu yega mucho trempan lo mester warda pafo pa por drenta ora nan orario yega.

AUA Airport ta gradici tur pasahero pa e comprencion mientras cu AUA Airport ta purba brinda un mihor servicio pa tur pasahero cu ta sali for di Aruba pa Merca y cu tin cu pasa na tur e puntonan di checkeo na aeropuerto.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options