Pareha Real ta bishita SAIL Aruba 2015

Como parti di celebracion di 200 aña di Reino Hulandes y 350 aña di Korps Mariniers, riba 1 te cu 3 di mei lo tuma luga SAIL Aruba den waf di Playa.Despues di un recepcion pa 9.30 mainta cerca Gobernador Refunjol di Aruba Rey Willem-Alexander y Reina Máxima lo yega 11.00 am via boto na e tereno di SAIL. Despues SAIL Aruba ta inaugura e SAIL-in cu un saludo ceremonial na Rey Willem Alexander. Reina Máxima ta duna e señal di salida pa un competencia di boto di bela pa hubentud. Despues Rey y la Reina lo bishita un exposicion di Aruba Ports Authority (APA) y lo bishita e Seafood Festival. Atardi Pareha Real lo presencia un demostracion di Marina Real y Warda Costa Reino Hulandes pa e teritorio Caribense y nan lo bishita e tallship Picton Castle. Finalmente Rey y La Reina lo ta presente pa 7.30 di anochi na waf di Playa pa un presentacion unico di e staf di Soldaat van Oranje-De Musical. Tambe ta  presenta hunto cu Zeemanskoor Aruba un collage di poema y fragmento di texto for di literatura tocante di Segunda Guera Mundial den combinacion cu escenanan y temanan di e musical mes.