Pa un mucha por crece sano, e mester sinta menos y hunga mas (Parti 1)

Dit item is gearchiveerd op 17-10-2019.

ORANJESTAD - Departamento di Salud Publico ta trece informacion tocante riba desaroyo saludabel di nos muchanan.

Esaki lo ta un serie di 3 parti, unda ta educa comunidad riba importancia di movecion cerca nos muchanan.

Logo World Health Organization (WHO)Mucha bou 5 aña mester pasa menos tempo sinta mirando un pantaya of faha den un stoel of stroller. Pa un mucha por crece sano ta necesario pa e drumi bon 8 ora of mas y pasa suficiente tempo hungando activamente. Esaki segun e instruccionnan nobo publica door di ‘World Health Organization’ (WHO).

Un comision di profesional di WHO a desaroya recientemente instruccion nobo riba actividad fisico y comportacion activo pa mucha bou di 5 aña. Esaki despues cu nan a evalua:

  • e efectonan di drumimento mal y e tempo cu much chikito ta pasa no activo sea sinta mirando pantaya of faha den un stoel of stroller. 
  • y revisa evidencia rond di e beneficionnan cu aumento di actividad tin cerca mucha.

BabyBaby menos di 1 aña mester:

  • Ta fisicamente activo varios biaha pa dia den diferente forma, particularmente door di wega interactivo riba suela. Pa esunnan cu ainda no por move bon, ta sugeri un minimo di 30 minuut pa dia den un posicion boca abou, ora e ta lanta. 
  • Ta recomenda pa no faha baby pa mas cu 1 ora den ‘stroller’, ‘highchair’, ‘car seat’ of ‘bouncer’.
  • ‘Screen-time’ den forma di television, tablet of cualkier artefacto electronico no ta recomendabel. Ora cu ta momento pa relaha ta conseha pa lesa un buki, conta storia y canta cu e baby.
  • Entre 0 pa 3 luna un baby tin pa drumi entre 14 pa 17 ora pa dia y un baby entre 4 pa 11 luna mester drumi entre 12 pa 16 ora. E interaccion entre actividad fisico, tempo pa relaha y drumimento adecua y su impacto riba e salud fisico, mental y bienestar ta reconoci pa e “Comision pa pone un fin na obesidad infantil”.

Door di aplica e recomendacionnan duna, durante e prome 5 aña di bida di un mucha lo contribui na e desaroyo motorico, cognitivo y na salud di e mucha pa bida largo.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options