Organo Consultativo Aruba (Raad van Advies Aruba) ta yama bonbini na su Secretario nobo mr. A. Braamskamp

Desde 1 di februari 2019 a nombra mr. Braamskamp, kende ta reemplasa mr. dr. H. A. van der Wal. Mr. dr. van der Wal desde 1 di augustus 2018 ta traha cu Colegio di supervision financiero Aruba (CAft).

Desde 1 di augustus 2018 ya mr. Braamskamp tawata encarga cu e maneho di e ‘Wetenschappelijk Bureau van de Raad van Advies’, unda desde 2004 e tawata eherce e funcion di Secretario adhunto. Riba 24 di april 2019 Gobernador a firma e decreto di su nombracion.

E ‘Wetenschappelijk Bureau Raad van Advies’ ta encarga cu brindamento di sosten general na e Organo bou di cual preparacion di conseho y ehecucion di investigacion huridico ta cay. Cu e nombramento di mr. Braamskamp e Organo por conta cu un hurista cu experiencia riba tereno di legislacion y maneho na cabes di dicho departamento.