Oportunidad pa trabou DVG ta en busca di ‘optrekkers’

ORANJESTAD -  Pa cu e campaña di vacunacion nacional contra COVID- 19, Departamento di Salud Publico ta en busca di mas personal pa haci e trabou di ‘optrekker’ cu ta encera preparacion di e vacuna.

Si bo persona ta cumpli cu e exigencianan y ta motiva pa yuda Aruba den combati e virus di COVID-19. Manda bo solicitud na project@vacuna.dvg.aw.

DESCRIPCION DI TRABOU:

Pa e diferente localidadnan di vacunacion, nos ta enbusca di ‘optrekkers’. Hunto cu es cu ta vacuna, bo persona ta responsabel pa e proseso di vacunacion y resorta bou di e Zorg Coördinator vaccinatie. Den e periodo extra ordinario aki bo persona por yuda pa Aruba haya e Corona Virus bou control. 

VacunaTAREA Y RESPONSABILIDAD

1.Conforme instruccion preparacion di e vacuna, desolve, mescla y pone cla e vacuna.

2.Yena material necesario pa vacunacion y mantene e cantidad.

3.Traha conforme ‘Cold Chain’ protocol

4.Recohe y mantene limpi e mesa y espacio unda ta eherce e funcion di ‘optrekker’

EXIGENCIA / ABILIDADNAN DESEA

  • Verpleegkundige
  • Co-assistent geneeskunde (bou supervicion di arts)
  • Doktersassistent (bou supervicion di arts/ verpleegkundige)

NOTIFICACION EXTRA

Relaciona cu privacidad y informacion sensitivo di individuo bo persona lo tin pa firma un declaracion di secrecia of un ‘geheimhoudingsverklaring’

Bo persona mester ta flexibel pa diferente orarion di trabou.

Mester tin transporte propio.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options