Open dag na Oficina di Propiedad Intelectual

OPI ta invita publico pa riba diabierna 17 di november for di 9’or di mainta te cu 4’or di atardi pa bishita nan Oficina, situa na Adriaan Lacle Boulevard na Oranjestad pa haya mas informacion tocante derecho di propiedad intelectual. Derecho di propiedad intelectual ta ofrece proteccion na tur hende cu ta creativo y innovativo. Obranan literario ta protehi bou di e ley di autor, inventonan bou di ley di patent y marcanan bou di ley di marca.

Durante e open dag ta brinda informacion tocante entre otro con pa registra un marca y logo, tambe tocante patent y derecho di autor.

Tur hende ta bonbini pa celebra e dia importante aki hunto cu OPI.