HomeActualidadNoticiaOM y CEA den accion pa cobra debe di boet

OM y CEA den accion pa cobra debe di boet

Dit item is gearchiveerd op 29-06-2023.

ORANJESTAD - Ministerio Publico lo cuminsa desde dialuna 12 di juni 2023 cu activamente cobra boetnan cu ta habri ainda.

Edificio Ministerio PublicoMescos cu den añanan anterior Ministerio Publico lo haya asistencia di e funcionarionan di CEA (Cuerpo Especial di Aruba).

Funcionarionan di CEA lo bishita hende cu tin debe di boet pa cobra esakinan.

Si ora CEA yega cerca bo persona y bo no paga e boet of no pag’e completamente, anto CEA lo detene bo persona mes ora y hiba bo KIA pa sinta e castigo (vervangende hechtenis) cu Huez a duna bo persona ora el a sentencia bo.

Ministerio Publico ta haci un apelacion urgente na hendenan cu debe boet, pa paga esakinan.

Por paga online via cuenta bancario 4000905 di ArubaBank bao mencion di e parketnummer.

Por tambe swipe na balie di Ministerio Publico despues di haci cita via e website www.omaruba.com.

No laga yega asina leu cu CEA ta hiba bo persona pa sinta castigo den cel.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options