OM tin findishi di boto riba 24 di maart 2023

Ta trata di botonan cu ta na Marinierskazerne na Savaneta.

Tur ta boto cu a cay den man di Kustwacht.

E botonan aki no tin mester di   warda mas y por bende nan na esun cu ofrece mas cen pa nan.

Mescos cu tempo a bende botonan den añanan anterior, bo persona tin cu inscribi di antemano na Ministerio Publico.

Esaki ta e reglanan:

Bo por inscribi te diabierna 17 di maart 2023 na Ministerio Publico via ann.angela@omaruba.aw. Bo por opta tambe pa yama sra. Angela na Ministerio Publico na tel. 521-4135. Despues di 17 di maart 2023 inscripcion ta cera.

Ora di inscribi mester inclui:

Nomber
Fam
Fecha di nacimento
Pais di nacimento
Number di ID (di bo ID, paspoort of rijbewijs)
Number di telefon.

Unicamente personanan cu a inscribi na OM mag di meld riba 24 di maart 2023 pa 10’or di mainta na entrada di Marinierskazerne pa wak e botonan y duna un oferta por escrito riba e boto cu nan ta desea pa cumpra.

Ora bo presenta na porta di Marinierskazerne, bo mester mustra e mes ID cu bo a inscribi cu ne. Si bo no tin esey cu bo, bo lo no haya entrada. Muchanan no por drenta.

Si bo persona resulta esun cu a haci e oferta mas halto, lo tuma contacto cu bo. Despues bo por pasa e placa na banco.

Pago por solamente via transferencia bancario. Bo mester pasa placa na banco. No por swipe ni paga cu cash mas.

Ta  entrega e boto una vez mustra e recibo di pago, e contrato di compra y e ID di e cumprador.

Lo informa e comprado despues tocante e fecha cu e por busca e boto. Ministerio Publico no ta duna ningun garantia riba e estado di e botonan. E benta ta bay ‘as is where is’. E cumprado mes ta percura pa transporte.