Nos hobennan ta balente y determina

ORANJESTAD –  Si bo ta den e grupo di 13-25 aña, Departamento di Salud (DVG) lo considera bo como un hoben.

E segmento di nos poblacion aki, cu nan balentia y determinacion, ta di vital importancia den e lucha contra Covid-19.

Ad HobenNos ta sigur cu hubentud na nos isla ta convenci cu por combati Covid-19 si ta tuma accion. Nos hobennan ta empodera pa asumi liderasgo den e momento di crisis aki, caminda algun segmento di nos poblacion ta sinti miedo of preocupacion. Aki ta yega e momento, pa nos hubentud contagia pueblo henter cu nan alegria y positivismo, y yuda impulsa nos recuperacion. Y aunke tur cos por mustra un tiki scur actualmente, nos hobennan ta trece luz cu nan dinamismo y responsabilidad durante e pandemia.

Departamento di Salud Publico na Aruba ta invita tur hoben pa sigui keda bon informa, like e Facebook Page di DVG (https://www.facebook.com/desparuba/)y sigui e recomendacionnan di e autoridadnan.

E yamado ta pa no ignora e riesgo di contagio y sigui mantene distancia di 1.5 metro na tur momento, laba man frecuentemente, bisti tapa boca den lugar cera y evita aglomeracion.

Si bo sigui e protocolnan stipula, no solamente lo bo ta cuidando bo mes, pero tambe bo lo ta yudando cuida otro; por ehempel, sernan stima di bo, manera bo mayor y welonan.

DVG ta invita e hobennan na Aruba pa tuma medidanan simpel pa crea consciencia, preveni desinformacion y promove un spirito di apoyo den nos comunidad.

Pa nos sigui bringa e Covid-19, mester sigui tur regla y recomendacion stipula. Nos tur mester ta determina pa enfrenta tur reto. Ban sigui cuida!

#ArubaTaContaCuBo
#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options