Natelling Censo2020 – Fase 2

ORANJESTAD – Oficina Central di Estadistica (CBS) kier a duna un update di e Natelling di Censo2020 cu a cuminsa dia 3 di maart ultimo. Desde e comienso di Censo2020 dia 1 di october 2020 te cu 21 di maart 2021, un total di 91.148 persona a wordo conta.

31.915 persona cu a yena e cuestionario di Censo 2020 online  Di e total aki 59.233 persona a wordo conta den veld y 31.915 persona a completa e cuestionario online.

E Fase 2 di e natelling di Censo2020 ta start awe dialuna 22 di maart y lo dura te cu diaranson 31 di maart 2021. Durante e periodo aki nos tellers lo pasa laga un oproepkaart na adresnan di hogarnan cu segun nos administracion pa un of otro motibo ainda no a completa e cuestionario di Censo2020. Esaki ta hogarnan cu por ehempel nunca tabata na cas of a nenga di participa. CBS kier duna e grupo aki un chens mas pa coopera cu Censo2020. Den total 11.000 adres lo ricibi un oproepkaart.

59.233 persona conta door di tellers cu a entrevista nan na nan cas.Mirando e situacion actual di COVID-19 na Aruba, CBS a opta pa activa e HelpDesk di Censo2020 atrobe. Por tuma contacto cu e HelpDesk si ta desea di haya cualkier informacion, si ta desea di haci un afspraak pa wordo entrevista via telefon of na cas (solamente parti pafor di e vivienda) of si ta desea pa yena e cuestionario online. E HelpDesk ta disponibel te cu diaranson 31 di maart via telefon di 8or di mainta te cu 8or di anochi na 524-7433. Tambe por manda un Whatsapp na 566-4180 of por manda un e-mail na census2020@cbs.aw.

A conta un total di 91.148 persona. CBS tambe lo tuma contacto via telefon cu algun hogar pa verifica nan adres of pa completa informacion cu a keda falta.

E procedura pa yena e cuestionario di Censo2020 online ta keda igual cu aña pasa. Bishita nos website www.census2020.aw, click riba e tab di Cuestionario y uza e number di percela cu ta parece riba e recibo di WEB pa asina por habri e cuestionario y yena e cuestionario pa tur persona den e hogar. Pa esnan cu no tin un number di percela propio, por tuma contacto cu e HelpDesk pa asina por haya un codigo unico pa por yena e cuestionario online.

Natelling CENSO 2020 fase 2.Tambe CBS ta haci un apelacion na e publico en general pa trata nos tellers cu amabilidad y respet. Ban demostra cu nos ta un pueblo amabel y cordial. Nos tellers ta trahando duro pa nos por finalisa e conteo y pa duna tur persona y hogar na Aruba e oportunidad di wordo conta como parti di nos poblacion. Awor mas cu nunca ta di sumo importancia pa haya un bista completo di e desaroyonan cu a tuma lugar den nos poblacion pa asina por planifica a base di datonan real y confiabel y a base di situacionnan actual den nos comunidad. Solamente di e manera aki por planifica pa un mihor presente y futuro pa nos tur.

Aruba ta conta riba BO!

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options