Na 2021 lo por tin mester di paspoort di salud pa drenta Aruba

ORANJESTAD – Ora biaha otro aña (2021) bo lo mester tin dos pasaporte, di cual un di nan ta e paspoort di salud. Aruba ta e prome pais na mundo cu a asocia cu e grupo di compania cu a desaroya e paspoort digital aki.

E paspoort ta prueba cu bo ta ok pa biaha y liber di COVID-19. Segun minister di Salud Publico, Dangui Oduber, Aruba ta e prome pais na mundo cu a bay di acuerdo pa participa den e proyecto aki. E ta algo innovativo y Aruba ta frontrunner den esaki.

Con e ta funciona

E paspoort di salud ta contene bo informacion di salud (no sensitivo) cu ta bisa si bo a tuma e vacuna, y resultado di testnan haci. Por uza e verificacion pa biaha riba avion of atende eventonan grandi manera p.e. concierto, segun CNN. Varios compania a desaroya un paspoort asina, y un di e companianan ta Common Trust Network. Hunto cu JetBlue, United, Virgin Atlantic, Swiss Air Lines, Cathay Pacific and Lufthansa, y centenares di sistema di salud na Merca y Aruba, e ta yama 'CommonPass app' unda cu e usuario por upload su resultado di COVID-19 test, of un prueba di un medico cu ta certifica cu e persona a ricibi tur dosis di e vacuna. Envez di revela informacion personal, e app lo genera un certificado den forma di un QR code, cu ora e personal di cabina di avion of seguridad scan e. E app lo contene tambe e rekisitonan di salud di e biahero su punto di salida y destino.

Minister Oduber a indica cu Aruba ta pionero den e mundo den crea oportunidadnan pa permiti cu biaheronan por biaha bek. A traha riba e proyecto aki e ultimo lunanan y Aruba ta e promer pais na mundo cu a partner cu e common trust network" e mandatario a bisa. Segun e mandatario, esaki lo mester ta cla pa maart di otro aña.

Aruba ta demostrando cu ta haci uzo di innovacion y tecnologia pa ta un stap dilanti pa di e forma aki traha riba recuperacion di nos turismo y economia. Minister Oduber kier a gradici ministerio di Turismo, Salud Publico y Deporte, ATA, DVG, Ministerio di Asuntonan General y Futura pa e logro aki.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options