Museonan ta habri dia 18 di maart

Museo Arkeologico Nacional Aruba, Museo Historico y Stichting Rancho a scoge e tema ‘Collections make connections’.E tema ta procedente di e ‘International Council of Museums’ (ICOM) pa enfatisa cu e coleccionnan warda y presenta den e.o. museonan, ta conecta comunidad na custumber y tradicionnan di awendia. Manera gruponan etnico, generacion y habitantenan di diferente pais den region. E coleccion no ta consisti solamente di artefactonan pero tambe di storia, informacion y hasta construccion.

Na Museo Arkeologico Nacional e bishitantenan por combersa cu staf y boluntarionan tocante nan obheto faborito, duna e obheto “bida” y “conecta” cu e comunidad moderno. Museo kier duna e obhetonan aki ‘bida’ y ‘conecta’ esakinan cu nos comunidad moderno.
Na Museo Historico den Fort Zoutman, hobennan lo ta presente pa ‘conecta’ un y tur na ‘Xpo 1880’, un exposicion cu ta un ehempel di con un Museo ta conecta e generacion di futuro cu esun di antaño. Na San Nicolas ‘Community Museum’ tambe lo ta habri e dia aki.
Stichting Rancho ta activo na e ‘Forno di Calki’ y cu pustamento di boto miniatura.