HomeActualidadNoticiaMr. Eugène Martis nombra como miembro di Organo Consultativo

Mr. Eugène Martis nombra como miembro di Organo Consultativo

Dit item is gearchiveerd op 31-12-2017.

ORANJESTAD – Den presencia di Gobernador Interino di Aruba, Sra. Y.V. Lacle-Dirksz, a huramenta como un di e miembronan mas nobo di Raad van Advies, mr. E.H.J. (Eugene) Martis.

E huramentacion a tuma luga diahuebs 7 di december.

E ceremonia a conta cu e presencia di: Sra. Maura Brown (casa di mr. Martis), Minister President di Aruba, mr. Evelyn Wever-Croes y representando Raad van Advies ta su Presidente RvA mr. F. Goedgedrag,  Secretario RvA mr. dr. H.A. van der Wal y Secretario-adhunto RvA mr. A. Braamskamp.

Cu e nombramento di di mr. Martis RvA ta un biaha mas completo. Ta asina cu desde 1 di november a crea un vacatura cu partida di mr. Schwengle kende awo a ta miembro di Raad van State representando Aruba. A selecta mr. Martis door di un procedura di solicitud habri. E Organo (Raad)a recomenda mr. Martis como un miembro nobo. Organo Consultativo ta contento cu nombramento di mr.Martis y tin bista riba un bon colaboracion cu mr. Martis.

       mr. E.H.J. (Eugene) Martis a huramenta den presencia di Gobernador Interino di Aruba, Sra. Y.V. Lacle-Dirksz, como un di e miembronan mas nobo di Raad van Advies.   Secretario-adhunto RvA mr. A. Braamskamp, Minister President di Aruba, mr. Evelyn Wever-Croes, mr. Maura Brown (casa di mr. Martis), mr. E.H.J. (Eugene) Martis, Gobernador Interino di Aruba, Sra. Y.V. Lacle-Dirksz, Presidente RvA mr. F. Goedgedrag y Secretario interino RvA mr. dr. H.A. van der Wal.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options