MOU entre Minsterio di Salud Publico y Stichting BOB a keda firma!

ORANJESTAD – Riba 28 di october 2021 a tuma lugar firmamento di un Memorandum Of Understanding (MOU) entre Ministerio di Salud Publico y Borstkanker Stichting Bevolkingsonderzoek Aruba (BOB).

Esaki a sosode den cuadro di e plan nacional multisectoral di prevencion di NCD’s 2020-2030. Por medio di e colaboracion aki e personanan den e grupo identifica por schedule nan afspraak na un manera mas eficiente pa por haci nan screening preventivo na tempo y liher. Lo haci uzo di e Aruba Health App (AHA), cu lo bin na vigor entrante januari 2022.

Ministerio di Salud Publico y Borstkanker Stichting Bevolkingsonderzoek Aruba (BOB) ta firma Memorandum Of Understanding (MOU).Ministerio di Salud Publico y Borstkanker Stichting Bevolkingsonderzoek Aruba (BOB) ta firma Memorandum Of Understanding (MOU).Door di haci uzo di e AHA e trabounan ta bay na un manera mas eficiente y tambe ta mas facil pa yega na e comunidad den cuadro di prevencion di malesanan cronico.Den e caso di stichting BOB esaki ta nifica cu nan lo por haci deteccionnan na tempo di cancer di pecho pa asina trata esaki na tempo y preveni posibel complicacionnan.

E AHA ta bay percura pa hisa e nivel di servicio pa cu e cliente. Via e portal di e AHA e cliente di BOB lo haya acceso na BOB su sistema digital y asina por haci su afspraak pa screening.

Logo Fundacion BOB.Di e manera aki e cliente tin mucho mas transparencia, e cuido ta netamente den bo man a traves di e Aruba Health App.

Screening di cancer na pecho na tempo por evita complicacion a largo plaso cu por tin hasta morto como consecuencia. Ta hopi importante pa ta na tempo ora ta trata di bo salud. Minister Oduber a indica cu Ministerio di Salud Publico ta percura pa trece e tipo di innovacionnan aki cu ta facilita e comunidad di Aruba.

E mandatario a elogia e trabounan cu e stichting ta haciendo den cuadro di prevencion y pa cuido di comunidad di Aruba. Tambe a gradici Departamento di Salud Publico (DVG) y Sr. Lucas cu ta e voorzitter di Stichting BOB, esaki ta mustra cu trahando hunto bo ta logra.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options