Monumentenbureau a celebra nan di 25 aniversario

ORANJESTAD - Recientemente Monumentenbureau a celebra nan di 25 aniversario. 

Historia di Monumentenbureau

Minister di Finansa, Asunto Economico y Cultura, mr. Xiomara Maduro y director  ing. y personal Yvonne Webb-Kock di Monumentenbureau.Gobierno a institui riba 1 di januari 1996 por medio di un decreto gubernamental un Bureau cu e nomber Monumentenbureau. A cuminsa elabora den un espacio chikito den Centro Educativo  Cristian y despues di un luna a muda na Maria Convent den e hala na Dominicanessestraat. Monumentenbureau a cuminsa crece y na juni 1997 a muda pa Zoutmanstraat 1. Na aña 2001 a muda pa Schelpstraat 36-38 na unda e departamento ta hubica te ainda.

Edificio di CorteMonumentenbureau durante aña a crece y asina tambe nan tareanan. Na 1996 Monumentenbureau tabata tin tres persona den servicio. Na 2013 a restructura Monumentenbureau y actualmente tin 11 funcion yena y tin 4 vacatura. E cambio grandi na 2013 tabata cu e departamento mes a cuminsa pinta mapanan di restauracion y Monumentenbureau mes ta haci e direccion y supervision ora ta ehecuta e proyecto.

Monumentenbureau tabata tin diferente ministernan y nan ta : Sra. dr. L. Beke-Martinez , Sr. T.F.r. Lee, Sra. M. Hooyboer-Winklaar, Sr. O. Oduber , Sr. mr M. Eman y nos Minister actual ta Sra. mr. Xiomara Maduro. Monumentenbureau tin un solo director desde 1996 te actual cu ta Sra. Ing. Yvonne Webb-Kock.

Tareanan di Monumentenbureau

Edificio Departamento Recurso Humano (DRH)Edificio LandslaboratoriumE tareanan di Monumentenbureau ta encera; compila norma y criterio pa proteccion y e proceso di proteccion, haci estudio y investigacion, guia tecnico pa restauracion y lidera su ehecucion, pinta mapa, controla permiso, ehecuta maneho di gobierno, informacion y promocion di nos monumentonan, etc.

E prome proyecto cu Monumentenbureau a guia tabata restauracion di nos Stadhuis. E Proyecto aki a cuminsa na 1996 y e edificio tabata propiedad di gobierno. Despues di a termina e restauracion na 1998, gobierno a traspasa e edificio na e fondo di monumento. Otro proyectonan interesante cu Monumentenbureau a realisa ta:

  • A guia tabata e edificio cu tabata situa bandi banco den caya grandi y cu a translada pa Wesstraat. Esaki a socede na 2000 y ta despues di shete aña despues di e restauracion a pasa e edificio na e fondo di monumento.
  • Proyecto di e compleho monumental mas grandi compleho ECURY cu a tuma hopi aña pa wordo realisa.
  • Corte;.
  • Cas Ceremonial di Gobernador;

Monumentenbureau a duna hopi atencion pa educa nos alumnonan asina a duna les na tur scol basico y secundario y tambe na universidad. Directora tambe a educa varios maestro na Aruba, Corsou, Bonaire y Sint Maarten cu educacion riba nivel di masters den e materia di arkitectura di Aruba. Monumentenbureau sa organisa e Paseo Monumental cada aniversario, pero lamentablemente covid-19 a haci esaki imposibel pa organisa e biaha aki pa celebra nos di 25 aniversario. A haci inventarisacion di tur monumento y actualmente ta efectua y documentatur informacion automatisa di cada monumento.

Director  ing. y personal Yvonne Webb-Kock di Monumentenbureau.Restauracionnan y mantencion cu ta andando actualmente ta e proyecto di oficina di DRH, e interior di ex Laboratorio pa DVG y e mantencion hopi grandi pa e compleho di Corte.

Monumentenbureau en conexion cu nan di 25 aniversario lo duna informacion via nos facebook page “monumentenbureau” tocante entre otro:

  • Kico ta un monumento;
  • kico ta e rekisitonan pa un permiso;
  • cuanto monumento ta protegi;
  • kico ta un monument A;
  • y kico ta un monument B;

Monumentenbureau kier gradici nos Minister sra. Mr. X. Maduro pa tur su apoyo cu nos ta ricibi, como tambe Monumentenraad, ex coleganan y tur otro departamento di gobierno pa e colaboracion ricibi, arkitectonan y nan consehero, companianan di construccion y nan subcontratistanan y un tur cu a contribui den nan manera na Monumentenbureau.

Monumentenbureau a celebra nan di 25 aniversario

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options