Ministernan ta ricibi cinta cora di FADA

Dit item is gearchiveerd op 28-11-2021.

ORANJESTAD – Riba dialuna 25 di october, Prome Minister señora Evelyn Wever-Croes, hunto cu Minister di Finansa y Cultura, señora Xiomara Maduro y Minister di Enseñansa y Deporte, señor Endy Croes, tabata tin un reunion cu Fundacion Anti Droga Aruba (FADA).

Pa FADA tawata presente, e director, señor Juendel Sprok, señora Rubella Toppenberg y señora Ruliënne Arends. Durente e reunion, e ministernan a haya e cinta cora di FADA.

Prome Minister señora Evelyn Wever-Croes, hunto cu Minister di Finansa y Cultura, señora Xiomara Maduro y Minister di Enseñansa y Deporte, señor Endy Croes, y delegacion Fundacion Anti Droga Aruba (FADA). Manera nos sa, FADA ta e organisacion cu ta traha riba conscientisacion di e efectonan di abuso di droga. Actualmente, nos ta den e ‘Siman di Locura di FADA’ y dialuna tawata dia di bisti cora.

Prome Minister señora Evelyn Wever-Croes ta ricibi cinta cora di Fundacion Anti Droga Aruba (FADA).“Dia di cinta cora y den cuadro aki nos a habri e siman aki tambe dunando atencion na e organisacion importante aki”, Prome Minister a expresa.

Den nos comunidad tin un desaroyo alarmante di muchanan y hobennan mas jong ta haya nan den problema di abuso di droga y a traves di FADA, tin un bon canal pa yega na nos hobennan pa conscientisa nan cu abuso di droga no ta algo cu ta yuda nan. Kisas algun ta mira den esey un solucion rapido y temporal pa un situacion pero e abuso aki ta trece su efectonan negativo pa hopi tempo nan dilanti. FADA ta haci un trabou hopi importante y e ta un stakeholder importante pa Gobierno di Aruba den combatimento di adiccion di droga.\

“Mi ta spera cu e siman aki comunidad henter duna atencion na esaki. Na scolnan por papia mas di e peligernan di droga cu nos muchanan. Na cas mayornan papia mas cu e muchanan riba peligernan di droga. Den cas, manera ami cu ta un wela, un tanchi, a nos como abuela y abuelo, tanta of omo, tuma e rol over y yuda mayornan den papia cu e muchanan y duna nan e sosten pa asina nan bin cerca nos enbes di recuri na droga. Mi ta desea FADA hopi exito e siman aki”, Prome Minsiter a termina bisando.

Logo Fundacion Anti Droga Aruba (FADA).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options