Ministernan pa Gabinete Wever-Croes II

ORANJESTAD - Durante un rueda di prensa riba 9 di augustus 2021, Prome Minister Evelyn Wever-Croes a anuncia e ministernan cu lo forma parti di Gabinete Wever-Croes II.

Despues di un periodo di 2 luna di formacion di un gobierno nobo, Aruba ta conoce su ministernan nobo pa e siguiente gobernacion.

Gabinete Wever-Croes II 
Minister Cartera Partido Politico
Evelyna C. Wever-Croes

Minister di Asunto General, Innovacion, Organisacion Gubernamental, Infrastructura y Planificacion Teritorial, alabes prome-minister 

MEP
Geoffrey B. Wever Minister di Asunto Economico, Comunicacion y Desaroyo Sostenibel  RAIZ
Ursell M. Arends Minister di Integridad, Naturalesa, Transporte y Cuido di Grandinan, alabes Vice Prome Minister RAIZ
Xiomara J. Maduro Minister di Finansas y Cultura, alaves e di dos Vice Prome Minister  MEP
Rocco G. Tjon Minister di Husticia y Asuntonan Social MEP
Glenbert F. Croes Minister di Labor, Integracion y Energia MEP
Danguillaume P. Oduber Minister di Salud Publico y Turismo  MEP
Endy J.H. Croes Minister di Enseñansa y Deporte  MEP

Cabinete Wever-Croes IICabinete Wever-Croes IISra. Vanessa Tjon-Kock, casa di sr. Tjon, actualmente Korps Chef, lo bandona e funcion aki temporalmente pa e periodo di e gabinete aki y lo ta encarga cu un otro funccion. Esaki pa evita cualkier impresion di conflicto di interes cual pa nos Gabinete ta importante den cuadro di integridad.

Sr. Guillfred Besaril di Partido MEP: Minister Plenipotenciario na Hulanda. Especialmente den e negosacionnan cu Hulanda y proceso di leynan di Reino, nos mester awor di continuacion. Su nombracion ta cana un otro procedura y lo huramenta un dia despues di e ministernan.

Prome Minister Evelyn Wever-Croes.Pa Parlamento:

Presidente di Parlamento ta sr. Edgard Vrolijk di Partido MEP. E lo sa di guia nos Parlamento na forma fuerte e siguiente 4 añanan.

Debi na e situacion di Covid, e ceremonia di huramentacion lo diferente. E lo tuma luga na Cas Ceremonial di Gobernador y lo transmit’e. Despues lo bay Bestuurskantoor y cuminsa traha mesora pa e prome Conseho di Minister. Conseho di Minister nobo lo aproba e nombracion di Minister Plenipotenciario, pa despues e tambe por huramenta.

Cabinete Wever-Croes II

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options