Ministerio Publico ta introduci sistema nobo pa traha afspraak pa paga boet y transaccion

Dit item is gearchiveerd op 14-08-2020.

ORANJESTAD – Riba 13 di juli 2020, Ministerio Publico a introduci un sistema nobo di traha afspraak online.

Por haya e link aki riba nos website www.omaruba.com.

Di awor pa dilanti e cliente mes por haci afspraak pa paga su boet of transaccion. Di e manera aki e proceso di paga boet/transaccion ta bay mas organisa y rapido. Hende no tin cu warda largo mas. Por percura mihor tambe pa clientenan semper tene distancia di 1.5 meter for di otro.

Sistema nobo pa traha afspraak pa paga boet y transaccion Ministerio PublicoBoetnan y transaccionnan mester wordo paga mas tanto posibel online via e cuenta bancario 4000905 di Aruba Bank, bao mencion di e parketnummer + e betalingscode riba e carta cu bo persona a haya di OM  + e number di ID di e sospechoso. Uza e letter X si no tin betalingscode specifico poni den e carta.

Si bo persona no por paga online na ningun forma, anto por haci un afspraak cu Ministerio Publico.

Edificio Ministerio PublicoCon e sistema nobo aki di afspraak ta traha?

  • Bay e link “afspraak maken” riba e website www.omaruba.com;
  • Scoge e opcion “Boete betalen” (Pay fine);
  • Scoge e dia y orario;
  • Yena e informacion y boek un afspraak;
  • Bo persona lo haya un confirmacion via e-mail.

Nos ta pidi bo persona encarecidamente pa preferibel swipe.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options