Ministerio Publico lo sigui cu benta di varios boto

Dit item is gearchiveerd op 03-03-2020.

ORANJESTAD - Na cuminzamento di februari Ministerio Publico lo bay pa bende varios boto cu ta warda na marinierskazerne na Savaneta.

Ta trata di botonan confisca pa Kustwacht. No mester warda e botonan aki mas largo y por bende nan na esnan cu ofrece mas placa pa nan. Si Bo persona ta interesa, por pone Bo nomber pa mas tarda cu diamars 4 di februari 2020 pa 4.00’or di atardi na Ministerio Publico via e adres di e-mail: ann.angela@omaruba.aw. Bo persona por yama señora Angela tambe diabierna awor 31 di januari y diamars 4 di februari di 2.00 pa 4.00’or di atardi riba tel. 521-4135.

E personanan cu a meld nan mes na Ministerio Publico sea via e-mail of telefon, por acudi diaranson 5 di februari 2020 di 3.00 pa 4.00’or di atardi na marinierskazerne na Savaneta pa wak e botonan y na mes momento haci un oferta por escrito riba e boto di nan escogencia. ID ta obligatorio!  Lo  informa e persona cu gana e bidding riba diahuebs 6 di februari 2020. Tin cu paga e suma na caha di Ministerio Publico na Rumbastraat 29 na Camacuri. Pago mester ta den cash. Ministerio Publico ta habri di dialuna te diabierna di 8.00 pa 11.30’or di mainta y di 1.00 pa 3.30’or di atardi. 

Lo entrega e botonan na e cumprador cu tin cu presenta cu su recibo di pago di e prijs, e contrato di compra y un ID. Mester busca e boto pa mas tarda diaranson 12 di februari 2020. E comprador mes tin cu percura pa e transporta e boto. Ministerio Publico no ta duna ningun garantia riba e estado di e boto. E benta ta ‘as is where is”. 

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options