HomeActualidadNoticiaMinisterio di Asunto Social ta wak bek cu satisfaccion riba un JOEPI CAMP exitoso

Ministerio di Asunto Social ta wak bek cu satisfaccion riba un JOEPI CAMP exitoso

Dit item is gearchiveerd op 30-08-2018.

ORANJESTAD - E siman di 23 pa 27 di juli, Ministerio di Asunto Social y Labor den cooperacion cu Comercio di Aruba, a uni forza pa brinda nos muchanan un dushi vakantie den forma di un camp yena cu actividadnan sano.

Participantenan contento di Joepi-camp den busUn iniciativa di Minister Glenbert Croes, bou direccion di Darlaine Erasmus y Rochi Geerman, cu a bira realidad den tur Centro di Bario aki na Aruba. Un camp cu a hospeda 630 mucha un siman largo. Un siman largo a ofrece nos muchanan ambiente, alegria, sonrisa, actividad, deporte, enseñansa. Un siman cu a siña nos muchanan comparti cu otro. Un siman di amistadnan nobo, un siman cu a duna nos muchanan perspectiva nobo.

Joepi Camp a hospeda 630 mucha di tur skina di Aruba, un iniciativa cu lo keda organisa anualmente, esey Minister Glenbert Croes ta anuncia cu hopi orguyo.

E sonrisa den wowo di nos muchanan ta e motor di nos alma pa logra un miho Aruba y un miho porvenir pa nan.

Participantenan di Joepi-camp       

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options