Minister Xiomara Maduro ta reuni cu Fitch Ratings

ORANJESTAD - Pa recuperacion di Aruba ta importante pa Gobierno keda den contacto continuo cu e companianan di rating cu ta evalua e situacion financiero y economico di Pais Aruba.

Minister di Finansa Xiomara Maduro ta reuni cu Fitch Ratings.En bista di esaki, siman pasa Minister Maduro a reuni cu Fitch pa asina informa nan riba e formacion di Gabinete Wever-Croes II y duna un bista tambe riba e relacion institucional cu Hulanda, Presupuesto 2021 y 2022 y e refinanciamento di Aruba su debenan local y internacional.

Minister di Finansa Xiomara Maduro ta reuni cu Fitch Ratings.Pa locual ta refinanciamento di debe, Minister Maduro ta brinda e siguiente splicacion.

Normalmente tur aña prome cu Aruba subi mercado internacional pa por busca e financiamento necesario pa por cumpli cu e debe externo di nos Pais, e compania di rating Fitch ta evalua Aruba y den nan raport di evaluacion nan ta duna inversionista un indicacion di con Aruba ta para pa por cumpli cu su obligacionnan.

 Pa aña 2021 y 2022 Aruba a yega na e palabracion cu Hulanda cu lo cubri e debe externo di nos Pais pa e dos añanan aki haciendo uzo di fiansa na un interes reduci via Hulanda. Pa e motibo aki ta premira cu no lo subi mercado internacional por lo pronto. Pa locual ta trata e debenan local, nan refinanciamento no ta forma parti di e palabracionnan haci cu Hulanda.  Pesey pa cubri e necesidad financiero aki, Gobierno lo emiti bonds manera normalmente ta wordo haci pa refinancia e debenan local cu ta madura den e aña. Ta bon pa indica cu e refinanciamento domestico aki no ta subi e debe di nos Pais.

Minister di Finansa Xiomara Maduro ta reuni cu Fitch Ratings.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options