Minister Xiomara Maduro a ricibi e buki ‘Bebe Bira Bon’ di Denise de Jongh-Rekwest en conexion cu Festival di Buki pa Mucha 2022

ORANJESTAD – Riba 9 di november 2022, Minister di Cultura Xiomara Maduro, a ricibi un copia di e buki ‘Bebe Bira Bon’ for di e escritora Denise de Jongh-Rekwest.

Esaki en conexion cu Festival di Buki pa Mucha 2022 cu ta ser celebra e siman aki. E tema cu a ser escogi pa e siman aki ta ‘Biba Natura-Lesa’ cual tin como meta pa stimula muchanan pa bay den naturalesa y lesa bukinan relata na esaki.

E buki ‘Bebe Bira Bon’ ta un buki cu ta siña nos muchanan di nos cultura di remedi tera y ta laganan cera conoci cu nos yerbanan, algo cu hopi di nos grandinan conoce y cual sabiduria a bin ta pasa di generacion pa generacion. ‘Por ehempel, den mi cura di cas mi tin e mata di torongil, un mata cu mi sa usa pa traha te pa mi bebe ora cu mi tin griep. Di chikito mi a siña mi yiu di e yerba aki y awor cu e ta un ‘teenager’, e mes ta bay pafo di cas pa kita algun blachi di e mata pone den awa cayente pa e traha te di dje’, Minister Maduro a comparti durante e mainta aki.

Durante e bishita di Denise, Minister Maduro a expresa su gratitud pa a ricibi e buki y ta desea Denise tur clase di exito den futuro y ta keda en espera di mas buki di dje cu no solamente ta siña muchanan di nos cultura, pero tambe ta stimulanan pa lesa y aprecia nos idioma Papiamento.

Denise de Jongh-Rekwest ta entrega Minister Xiomara Maduro e buki ‘Bebe Bira Bon’ en conexion cu Festival di Buki pa Mucha 2022.        Denise de Jongh-Rekwest ta entrega Minister Xiomara Maduro e buki ‘Bebe Bira Bon’ en conexion cu Festival di Buki pa Mucha 2022.        Denise de Jongh-Rekwest ta entrega Minister Xiomara Maduro e buki ‘Bebe Bira Bon’ en conexion cu Festival di Buki pa Mucha 2022.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options