Minister Winklaar a bishita Aruba Lettuce Farm (gearchiveerd)

E empresario René Naar ta dispone di ochenta metro cuadra pa su plantacion di lechuga cu e ta ofrece na restaurantnan local.
Cu ayudo di Aruba Investment Bank y Ministerio di Asunto Economico empresarionan local por haci uzo di e Small and Medium Enterprise Program pa lanta un negoshi chikito. E ayudo no ta solamente riba tereno financiero, pero conoce tambe un proceso di guia for di momento cu e empresario presenta su idea te cu durante operacion di e negoshi.
Minister Winklaar a keda impresiona pa e determinacion y pasion di e empresario local y tambe pa e calidad di e producto. E mandatario a expresa cu lo bay wak con por yuda e empresa expande y ofrece mas producto di bon calidad pa consumo local.