Minister Schwengle “Garantisa calidad cuido hende grandi”

Segun e mandatario tin diferente iniciativa particular pa centronan di cuido pa hende grandi, pero e calidad di cuido merece mas atencion. Mester optimalisa e nivel di cuido di nos grandinan y e capacidad di e profesionalnan cu ta traha riba e tereno di cuido di hende grandi, segun minister dr. Schwengle. E mandatario ta consciente cu falta personal pero ta kere cu mester inverti den e educacion y formacion di e profesionalnan.
Mirando cu mas y mas hende grandi ta opta pa keda na cas, e minister encarga cu cuido di hende ta kere cu lo mester promove y optimalisa e cuido na cas.

Otro aspecto ta mehora e calidad di bida di hende grandi, manera haci movecion tur dia: mas un hende grandi move, menos e chens ta cu e lo cay y haya un accidente. Esaki lo yuda tambe pa reduci gastonan di seguro di malesa manera operacion, estadia den hospital, terapia, remedi, aparato pa move etc.