Minister Oduber ta informa tocante vacuna COVID-19

ORANJESTAD – Riba 5 di januari 2021, Minister di Salubridad Publico Sr. Dangui Oduber durante un conferencia di prensa unda a slica tocante e vacuna cu tin riba mercado y kico Aruba por spera.

Vacuna

Vacuna COVID-19Promer cu aña a cera, gobierno a tene un vierlanden overleg pa discuti e tema di vacuna.

Vacuna COVID-19 disponibel riba mercadoActualmente tin 3 vacuna riba mercado:

  • Pfizer – cu mester warda den un temperatura di -80 graden Celsius
  • Moderna – cu mester warda den un temperatura di -20 graden Celsius
  • Astra Zeneca – cu por warda den temperatura regular di cooler  

Durante e aña aki lo bin mas vacuna riba mercado. Den e prome batch lo ricibi solamente e vacuna di Pfizer.

Riba diaranson 6 di januari, Hulanda lo cuminsa duna vacuna na e dunadornan di cuido. Ministerio di Volksgezondheid, Welzijn en Sport, Sr. Paul Blokhuis ya caba a compromete su mes cu Aruba, Corsou, Sint Maarten y e resto di e islanan BES cu na momento cu Hulanda ricibi e vacuna, e islanan den Reino tambe lo ricibi esaki. Minister Oduber a duna di conoce cu ainda no tin indicacion cuanto vacuna Aruba lo haya e promer batch, pero e primer biaha esaki lo no ta hopi. Pues no ta spera cu Aruba lo haya un gran cantidad na februari 2021.

Personanan cu ta bin prome na remarke pa haya vacuna.Esnan cu promer ta bin na remarke pa haya e vacuna na Aruba ta e dunadornan di cuido y frontliners. Despues nos grandinan den casnan di cuido ta na turno, sigui pa nos grandinan riba edad di 60 aña cu ta cay den e grupo di risico. Despues tur cu ta riba edad di 60 aña y finalmente e resto di poblacion lo haya e vacuna.

TimelineE mandatario a menciona cu Hulanda ta mandando freezers pa Aruba por warda e vacuna den e tempatura rekeri y nan lo yega 13 di januari 2021 si tur cos bay segun plan. Riba 25-26 januari Rijksinstituut voor Volksgezondheid en Milieu (RIVM) lo ta na Aruba pa haci un control riba tur e preparacionnan cu Aruba a haci y ta haciendo pa ricibi e vacuna. Lo administra e promer vacunanan memey di februari 2021 na Aruba.

Condicionnan di Hulanda

Pa Aruba bin na remarke pa ricibi e vacuna for di Hulanda, Aruba mester cumpli cu e condicionnan estableci pa Hulanda, asina e mandatario a trece dilanti.

Un di e condicionnan ta cu Aruba lo mester entrega un plan di ehecucion.

Rekisito Rijksinstituut voor Volksgezondheid en Milieu (RIVM) pa haya e COVID-19 vacuna.Den e plan aki mester indica:

  • Un plan di personal;
  • Ubicacion di e luganan unda lo administra e vacuna;
  • Mester indica unda lo bay warda e vacunanan;
  • Mester percura pa tin un coordinacion di e registro;
  • Mester demostra cu por transporta e vacuna di punto A pa B manteniendo e vacuna na e temperatura adecua;
  • Mester certifica e freezersnan cu lo mester warda e vacuna aden;
  • Mester introduci un plan di comunicacion pa comunidad.

E meta di Gobierno di Aruba ta pa den e promer kwartaal vacuna mas tanto hende posibel. Pa e promer kwartaal di 2021 Hulanda lo ricibi 8.2 miyon vacuna di diferente proveedo y ta spera cu Aruba por haya suficiente pa vacuna mas hopi hende cu ta posibel. Minister Oduber ta bolbe afirma cu e ta respeta e opinion di cada ciudadano, e ta keda na cada ciudadano si nan ta tuma e vacuna si of no. E vacuna no ta obligatorio. Ta hopi importante pa sigui mantene tur e protocolnan di DVG y di Crisis Team, Minster Oduber a enfatisa.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options