Minister Maduro hunto Prome Minister Wever-Croes a reuni hunto cu e team di CFATF

ORANJESTAD – Riba 31 di augustus 2021, Minister di Finansa, Asunto Economico y Cultura Xiomara Maduro y Prome Minister Evelyn Wever-Croes a reuni hunto cu e team di CFATF (Caribbean Financial Action Task Force) cu lo bay evalua e integridad di Aruba su sistema financiero.

Den e dianan aki e team di CFATF lo reuni cu diferente stakeholders den sector publico y priva pa asina evalua e esfuerso mutuo cu ta wordo haci na nos Pais pa evita cu nos sistema financiero ta wordo malusa pa labamento di placa y financiamento di terorismo. Gobierno di Aruba ta desea exito y forza na e team di Aruba y e team di CFATF y ta spera cu Aruba por conta na final cu un bon evaluacion.

Minister di Finansa, Asunto Economico y Cultura Xiomara Maduro y Prome Minister Evelyn Wever-Croes, director Directie Wetgeving en Juridische Zaken George Croes hunto cu e team di CFATF (Caribbean Financial Action Task Force).

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options