Minister Geoffrey Wever ta reuni cu SDG Commissie tocante e trabounan haci den e proceso di implementacion di SDGs na Aruba

ORANJESTAD - Diaranson 22 juni 2022, Minister di Asuntonan Economico, Comunicacion y Desaroyo Sostenibel, mr. Geoffrey Wever, a reuni cu e comision di e metanan di desaroyo sostenibel, “Sustainable Development Goals (SDG) Commissie”.

Desde 2017, SDG Commissie ta duna direccion strategico na implementacion di SDGs na Aruba y actualmente ta forma door di Directie Economische Zaken Handel en Industrie, Directie Buitenlandse Betrekkingen, Directie Natuur en Milieu, Directie Sociale Zaken, Centraal Bureau Statistiek, Directie Financiën y UNESCO Aruba. E presidente di e comision ta señora Jocelyne Croes, Raadadviseur Multilaterale Aangelegenheden.

Minister Geoffrey Wever ta reuni cu SDG Commissie tocante e trabounan haci den e proceso di implementacion di SDGs na Aruba.E metanan di desaroyo sostenibel ta:

  1. Caba cu pobresa;
  2. Caba cu hamber;
  3. Salud y bienestar;
  4. Enseñansa di calidad:
  5. Igualdad di genero;
  6. Awa limpi;
  7. Energia limpi y economico;
  8. Trabou decente y crecemento economico;
  9. Innovacion y infrastructura;
  10. Minister Geoffrey Wever ta reuni cu SDG Commissie tocante e trabounan haci den e proceso di implementacion di SDGs na Aruba.Reduci desigualdad;
  11. Barionan y comunidadnan sostenibel;
  12. Produccion y consumo responsabel;
  13. Accion riba clima;
  14. Bida bou awa;
  15. Bida riba tera;
  16. Paz, husticia y institucionnan formalisa;
  17. Aliansa pa logra e metanan.

SDG Commissie a presenta na Minister Wever e trabounan cu e comision a bin ta haciendo pa implementacion di SDGs na Aruba. Minister Wever ta contento di wak e trabounan cu a haci y cu tin hopi animo den e comision pa sigui cu e trabounan pa implementacion di SDGs na Aruba. “Implementacion di SDGs ta algo transformativo pa nos isla Aruba y ta rekeri un ‘mindset shift’, compromiso y colaboracion riba tur nivel”, según Minister Geoffrey Wever.

Metanan pa Desaroyo Sostenibel (SDGs) di Nacionnan Uni.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options