HomeActualidadNoticiaMinister Geoffrey Wever a reuni cu presidente nobo di Camara di Comercio

Minister Geoffrey Wever a reuni cu presidente nobo di Camara di Comercio

ORANJESTAD – Riba 1 di maart 2023, Minister di Asunto Economico,
Desaroyo Sostenibel, Sr. Geoffrey Wever a ricbi Sr. Gavril Mansur den su rol como Presidente nobo di Camera di Comercio.

Minister di Asunto Economico, Desaroyo Sostenibel, Sr. Geoffrey Wever ta ricbi Sr. Gavril Mansur den su rol como Presidente nobo di Camera di ComercioE topico nan cu a ser discuti ta entre otro e progreso di e UBO register, cual ta avansando manera plania. Tambe Camera di Comercio a trece varios punto dilanti relaciona cu e reforma fiscal y introduccion di BBO na frontera.

Camera di Comercio y Minister Geoffrey Wever di Asuntonan Economico ta reuni varios biaha pa aña pa asina discuti topiconan relaciona na economia di Aruba.

Na final Camera di Comercio y Minister Wever a papia ampliamente di e plannan di desaroyo di centro ciudad di Oranjestad y San Nicolas.

“Semper ta un placer pa intercambia di idea cu Camera di Comercio, semper nan ta duna un contribucion positivo y real,” segun Minister Geoffrey Wever.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options