Minister di Labor a entrega cambio pa leynan di labor na Presidente di Parlamento (gearchiveerd)

E minister ta propone pa trece cambio den cinco diferente ley cu lo beneficia tanto
e trahado como e doño di trabou, specialmente den sector particular manera den
construccion y horeca. E cambionan proponi ta resultado di reunionnan intensivo
den forma di tripartite entre representantenan di gobierno, dunado di trabao y
representantenan di trahado.
E proceso pa adapta algun ley a cuminsa for di 2004 y awo ta asina leu cu e
cambionan por bay Parlamento pa aprobacion. E cambionan proponi ta regarda e
Codigo Civil di Aruba, Ordenanza Laboral, Ley riba Trahado Temporal, Ley di
Salario Minimo, Ley di Aplicacion Administrativo di Leynan Laboral.
Ta e intencion pa Parlamento di Aruba trata e leynan e aña aki ainda p’asina nan
por drenta na vigor dia 1 di januari 2013.Presidente di Parlamento drs Paul Croes
a duna di conoce cu e embergadura di e leynan aki ta hopi importante, mirando cu
ta trata trahadonan den diferente sector y e leynan lo afecta na un manera positivo
nan derecho como trahando. Ademas el a bisa cu pa cumpli cu tratadonan di
International Labour Organization (ILO) lo aplica leynan aki na Aruba.