Minimalisa bo risico di COVID-19 aplicando distancia

Dit item is gearchiveerd op 21-10-2020.

ORANJESTAD- Departamento di Salud ta urgi tur hende pa mantene distancia.

Distanciamento ta un di e metodonan pa reduci e risico di contagio pero kico esaki nifica enrealidad.

Distanciamento social ta encera cu no mester bay luganan pa socialisa. P’esey mester evita reunionnan na cas di famia, na lama, club nocturno of cualkier otro luga cu tin como meta socialisa cu otro persona cu no ta biba hunto cubo.

Ad Distancia social Departamento di Salud PublicoDistancia fisico ta encera, mantene un distancia fisico di minimo di 1.5 meter for di otro persona pa minimalisa e risico di transmision di Covid-19. Limita contacto fisico cerca cu otro persona ta e miho manera pa reduci e plamamento di e virus.

¿Dicon mester practica distanciamento?
COVID-19 ta transmiti su mes principalmente entre persona cu tin contacto cercano pa un periodo prolonga. E plamamento ta tuma luga ora un persona infecta ta tosa, nister, papia, grita of canta y e particulanan contamina ta sali for di su boca of nanishi y ta keda expulsa den aire pa despues caba den boca of nanishi di e personanan rond. E particulanan aki ta wordo inhala y ta drentra den e pulmon.

Investigacionnan reciente ta indica cu esnan infecta, pero sin sintoma, probablemente tambe ta yuda den e plamamento di COVID-19. E personanan aki por plama e virus prome cu nan haya sa cu nan ta positivo, p’esey ta importante pa mantene un distancia minimo di 1.5 meter semper, aunke abo y e otro persona no tin sintoma. E distanciamento ta specialmente importante pa e personanan vulnerabel cu ta sufri un riesgo mas grandi di haya complicacion severo di e virus aki.

Si mester sali, tene e consehonan aki den consideracion:

  • Prepara bo salida: tene den consideracion e opcionnan di distanciamento pa transporta bo mes di e manera mas sigur, sea bo ta core bais, uza transporte publico of comparti auto cu otro persona.
  • Limita e cantidad di luganan cu bo ta bishita riba un dia: evita luganan hopi frecuenta; purba sali solamente si ta necesario. Evita para den rij y si ta posibel uza mas tanto servicio na bo auto, take away of servicio di ‘delivery’. Mantene distancia minimo na tur momento y uza bo tapa boca semper.
  • Opta pa actividadnan social cu ta sigur: Mantene contacto social cu amigo y otro famia cu no ta biba cu bo, via yamada, ‘video call” of social media. Corda ariba e medida di prevencion di samenscholingsverbod cu a wordo implementa pa yuda cuida bo.
  • Mantene distancia den luganan hopi frecuenta: ta miho pa evita luga y reunionnan caminda ta dificil pa mantene e distancia minimo di 1.5 meter. Sea atento y sigui e areanan marca ariba vloer y cualkier ‘sign’ cu regla den establecimiento/luga.
  • Ora di haci ehercicio: evalua si caminda bo ta haci ehercicio bo por mantene e distancia minimo. Particulanan cu ta sali for di boca y nanishi por keda circula den aire.

#CuidaBoMes
#CuidaOtro
#ManteneProtocol
#HuntoNosPorStopEAtrobe
#DVGAruba

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options