Mi tin COVID, kico awo?

ORANJESTAD - Departamento di Salud Publico (DVG) ta ricibiendo varios yamada di ciudadanonan cu ta test positivo pa COVID cu e pregunta Kico awo, kico mi mester haci”?.

DVG ta informa cu na momento cu un persona tin sintomanan respiratorio similar na griep, pa purba distancia nan mes mas tanto posibel for di otro persona. Esaki pa evita contagio na otro persona cu un of otro virus respiratorio. No ta COVID so ta duna sintoma respiratorio cu por conduci na hospitalisacion, complicacion y hasta morto pero tambe virusnan manera Influenza, Parainfluenza, Rotavirus, Adenovirus y otronan.

Den caso cu un persona ta sospecha cu e por tin COVID e conseho ta pa:

  • Haci un self test cu ta obtenibel den tur botica. Den caso cu esaki sali positivo, isola of distancia bo mes for di otro hende pa minimo 5 dia te ora cu bo ta sinti bon atrobe.
  • Covidtraha for di cas si esaki ta posibel, consulta esaki cu bo dunado di trabao.
  • evita contacto cu personanan vulnerabel cu por bira hopi malo si nan haya un virus respiratorio. uza un tapa boca den caso cu no por evita contacto cu personanan asina (por ehempel den caso cu bo mester cuida di un familiar cu ta malo)
  • sigui conseho general di higiena pa laba man manera laba man frecuentemente, particularmente prome cu come y evita mishi cu wowo, nanishi y boca cu bo man.
  • sigui practica di higiena ora di tosa of nister
  • percura pa suficiente ventilacion den cas
  • consulta telefonicamente cu dokter di cas pa conseho y tratamento

Pa mas informacion "like" Directie Volksgezondheid DVG Aruba riba Facebook, Follow DVG riba Instagram directie_volksgezondheid_aruba, bishita www.dvg.aw, yama 5224200 of manda bo email na servicio@dvg.aw.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options