HomeActualidadNoticiaMester keur tur trailer cu ta participa den parada di carnaval

Mester keur tur trailer cu ta participa den parada di carnaval

Dit item is gearchiveerd op 06-02-2023.

ORANJESTAD  – Temporada di Carnaval un biaha mas ta dilanti porta yCuerpo Policial Aruba ta recorda doñonan di carosa, cu kier uza esaki den paradanan di Carnaval, cu nan mester tuma contacto cu e departamento di “Planologie” pa por controla.

Trailernan y carosanan cu no wordo controla no por drenta den paradanan.

TrailerTambe TUR vehiculo di motor mester tin “keuring” di DTI pa por participa den paradanan di carnaval. Entre otro, UTV’s, ATV’s , truck , chasis, opleggers y trekkers. Pa cu esaki mester tuma contacto cu DTI.

Por tuma contacto cu Departamento di Planologie di Cuerpo Policial Aruba, situa na e Warda di Polis di Balashi na number di telefon 5852500 di dialuna pa diabierna entre 7:00am pa 3:00pm. Den fin di siman lo por tuma contacto cu Central di Polis na number di telefon 100 pa nan notifica e Polis cu lo pasa controla e vehiculo.

Cuerpo Policial ta pidi tur hende pa tene bon cuenta cu e medidanan di siguridad aki y pa no laga tur cos pa ultimo momento pa despues cosnan no pega. Tene cuenta cu e prome parada di carnaval, esta “Fakkel Optocht “ Parada di Flambeu  ta dia  7 di januari 2023. Como tal lo mester controla y keur tur trailer y carosa cu lo participa den e parada.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options