Mercado di Buki segunda mano

ORANJESTAD - Pa tur amante di buki, biblioteca ta organisa su Mercado di Buki segunda mano e siman binidero, di dia 8 pa dia 12 di november, 2021.

Mercado di BukiEsaki ta pa 1 siman so na Playa y San Nicolas. E mercado ta habri segun orario regular di biblioteca. Un bunita oportunidad pa wak den un cantidad di buki pa algo interesante y diferente. Tin tesoro sigur sigur!

Mercado di Buki segunda mano di biblioteca e siman binidero, di  8 pa 12 di november, 2021.Bishitantenan ta cumpra un tas di e festival pa solamente 10 florin y por yena esaki yen yen cu buki segundo mano. Si tas caba por yena bo mesun tas of caha chikito. Bishitantenan por busca den un coleccion grandi di buki di tur topico. Tin algo pa tur gusto y interes.
Pues, di 8or di mainta pa 5or di atardi.

Orario anochi na Playa dialuna y diaranson te 7or. Y na San Nicolas e mercado ta keda habri te 7or, solamente diamars anochi.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options