Mei 15 Dia Internacional di Famia

Asamblea General di Nacionnan Uni a proclama 15 di mei di cada aña como Dia Internacional di Famia. E dia ta refleha e importancia cu comunidad internacional ta duna na famia como e unidad basico di famia, como tambe e preocupacion pa loke ta trata nan situacion rond di mundo.

Aunke famianan rond di mundo a transforma hopi durante e ultimo decadanan pa loke ta trata nan structura y como resultado di trend global y cambio demografico, Nacionnan Uni ainda ta reconoce famia como e base di sociedad. Dia Internacional di famia ta duna e oportunidad pa promove conscientisacion di asuntonan relaciona cu famia y pa aumenta conocemento di e procesonan social, economico y demografico cu ta afecta nan. E ta inspira un serie di evento pa aumento conscientisacion, manera dia di famia nacional. Na hopi país, esaki ta e oportunidad pa duna atencion na e diferente area di interes y importancia pa famianan.

Actividadnan riba Dia di Famia ta inclui tayernan y conferencianan, programanan di radio y television, articulonan den corant y programanan cultural cu ta resalta temanan relevante.

Pa 2019 e tema ta Famia y Accion Clima; Focus riba Meta di Desaroyo Sostenibel  (SDG) # 13

Pa 2019 Dia di Famia ta focus riba famia, maneho pa famia y obhetivonan di SDG 13

• SDG 13 meta 13.3: Mehora educacion, aumenta conscientisacion, y capacidad humano y institucional pa alivia cambio di clima, adapta, reduci impacto y duna advertencia na tempo
• SDG 13 meta 13.2: Integra medidanan di cambio di clima den maneho nacional, strategia y planeamento.

Fuente: Nacionnan Uni