Medidanan di precaucion durante temporada di calor

ORANJESTAD –   Durante e ultimo dianan nos por a tuma nota di un calor inmenso, temperatura hopi halto y un solo fuerte.

Esaki ta debi na e temporada cu nos ta aden cu ta ser referi na dje como temporada di horcan.

Medidanan di precaucion durante temporada di calor.Durante e temporada aki cu ta core di juni pa november nos comunidad por spera dianan cu hopi calor y temperatura hopi halto cu por ta peligroso pa nos salud. Pa combati e fenomeno di naturalesa aki no ta posibel, pero si nos por tuma accion pa proteha nos mes y preveni consecuencianan pa motibo di e calor extenso.

Calor por ocaciona deshidratacion, zonnesteek, presion halto, dolor di cabes, cansancio, biramento di cabes y stoma, sacamento, cram di musculo y hasta ataca (stroke) cerca un persona cu ta den e temperatura cayente pa un tempo largo.

Departamento di Salud Publico ta conseha comunidad pa durante e dianan cu ta sigui:

  • Bebe hopi awa por lo menos 2 liter pa dia, uza protector solar SPF 30 of mas;
  • bisti bril di solo, pechi of sombre, paña di color cla preferibel di catuna of linen;
  • evita bebida cayente y bebidanan cu ta contene cafeina of hopi sucu durante e oranan mas calor cu ta entre 11:00 di merdia pa 2:00 di atardi;
  • refresca bo mes, baña cu frecuencia;
  • come fruta y berdura pa resfreca;
  • no haci actividad fisico of traha den solo sin proteccion;
  • acudi na un dokter si bo no ta sinti bo bon;
  • proteha baby, bisti menos paña den cas y mas awa pa bebe;
  • proteha hende di edad avansa.

Nos muchanan, enfermonan y nos hende grandinan ta esnan mas vulnerabel pa e calor aki. Ta hopi importante pa vigilanan constantemente y refresca nan curpa pa wanta e temperatura abou y hidrata nan cu suficiente likido.

Ola di calor

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options