Medidanan cu ta flexibilisa entrante 22 di october 2020

Dit item is gearchiveerd op 23-11-2020.

ORANJESTAD - Segun e ministeriële regeling (AB2020No.158) cu ta bin na vigor entrante 22 di october pa 12 or di anochi, e siguiente medidanan lo conoce cambio:

  • Lo no tin Toque de Queda mas.
  • Ta introduci na luga di TDQ un ‘gebiedsverbod’ di 12 or di anochi pa 5 or di mainta den area/zona di lama.
  • Wega di BINGO por wordo hunga unicamente via television of radio unda no ta ocasiona y tampoco encurasha. Na casino esaki no ta permiti ainda.

Establecimento ta permiti pa tin ‘ambient music’, musica den background, cu un maximo di 3 musico. Esaki ta entrante diabierna 23 di october 2020 bao e siguiente condicionnan:

  1. Musico por toca y canta pa entretene clientenan di dicho establecimento;
  2. emusica no por ta demasiado duro y no por motiva bailamento;
  3. e musico lo para e musica ora cu un cliente no mantene su mes na e protocol door di, por ehempel, lanta baila;
  4. e establecimento ta mantene e H&H code;
  5. ta recomenda tur establecimento pa tin un asina yama ‘Corona Compliance Officer’ den e establecimento pa mantene e orden.

Entrante dia 23 di october pa 12 or di anochi tambe lo tin cambio pa biaheronan procedente di Curaçao y Bonaire unda pa nan e Covid-19 test, cuarentena y seguro ya no ta necesario.

Flexibilisacion di e medidanan aki no nifica cu e peliger di Covid-19 no tey mas. Covid-19 tey presente ainda y flexibilisacion di e medidanan nifica cu individualmente cada uno di nos tin pa cuida nos mes.

Esaki nos ta haci door di sigui ta consciente y sigui cumpli cu e medidanan di proteccion. Hunto nos por stop e atrobe.

Aruba ta conta cu bo!

Lo no tin Toque de Queda mas y ta introduci na luga di TDQ un ‘gebiedsverbod’ di 12 or di anochi pa 5 or di mainta den area/zona di lama.   Establecimento ta permiti pa tin ‘ambient music’, musica den background, cu un maximo di 3 musico. Esaki ta entrante diabierna 23 di october 2020 bao di cierto condicion.   Entrante dia 23 di october pa 12 or di anochi tambe lo tin cambio pa biaheronan procedente di Curaçao y Bonaire unda pa nan e Covid-19 test, cuarentena y seguro ya no ta necesario.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options