Manteniendo na e protocolnan, deporte por cuminsa entrante 7 di november

ORANJESTAD -  Crisisteam a anuncia riba 6 di november cu deporte por cuminsa entrante 7 di november 2020.

DeporteTeniendo na cuenta e situacion actual di COVID-19 na Aruba, unda ta señala cu e e virus ta transmitiendo su mes na un forma pasivo. Crisis Team ta di opinion cu na e momento aki e risico di contagio ta chikito pa cual motibo a tuma e desicion pa autorisa cu deporte por cuminsa tuma lugar cumpliendo cu protocolnan existente.

Teniendo na cuenta tambe cu deporte ta esencial pa e salud no solamente fisico pero tambe mental ta importante pa esaki por cuminsa mas pronto posibel.

Mas cu claro mester sigui traha riba mantene e transmision di COVID-19 abou pa cual motibo mester sigui cumpli cu tur protocol existente. E protocol di deporte specifico ta riba e website www.arubacovid19.org.
Ta invita tur organisacion di deporte pa informa nan mes riba esaki.

E condicionnan stipula pa crisis team ta pa evita aglomeracion y risico di transmision mirando cu competencia y torneo semper ta trece cu ne hopi animacion, cantamento y gritamento. Pa e motibo aki e torneonan no por tin publico presente na e momento aki ainda.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options