Maneho di organizacion gubernamental a duna resultado positivo

ORANJESTAD - Prome MInister mr. Evelyn Wever-Croes ta informa cu Organisacion Gubernamental, “Overheidszorg”, un di e tareanan cu ta cay bou di su Ministerio, a duna resulta positivo durante 2020.

Organisacion Gubernamental ta encera e  actividadnan/trabounan regular den cuadro di entre otro e “Beleidsplan Verlaging Personeelskosten'' (BVP)

Na 2020 a mitiga cantidad di personanan nobo cu ta cuminsa traha pa Land Aruba, limita e reemplaso di trahadonan publico cu, por ehempel a baha cu pensioen, a reduci e cantidad di trahadonan publico cu tabata riba no activo, a atende cu e reto di trahadonan cu overtime y e problema di A.O. A base di e esfuersonan aki por bisa cu e tabatin resultado positivo pa e gastonan financiero.

A reduci gasto di personal na aña 2020 di 475 miyon desde 1 januari 2020 te na 427 miyon na final di e aña (31 december 2020). Pues un reduccion di 48 miyon cu ta representa 10%.

Durante aña 2020 tabatin 63 beleidsadvies cu a implementa. Tambe organisacion y control interno na Departamento di Recurso Humano (DRH) pa aumenta e calidad di servicio. Ademas a realisa diferente proyecto “E-government”, pa por digitalisa procesonan por medio di entre otro formularionan cu ciudadanonan por yena online.

Door di e reglanan di distanciamento fisico cu mester a aplica durante 2020 a bin hopi cambio den e forma di traha. E tabata di suma importancia pa departamentonan modernisa nan forma di traha.

Pa locual ta trata personal, 142 persona a sali for di servicio di Land Aruba na aña 2020. 5% a fayece, 9% a wordo kita (disciplinair ontslag), 17% a bay a base di terminacion di nan contract, 17% a tuma VUT, 23% a yega edad di pensioen y 28% a retira riba nan mesun boluntad.

Pa locual ta e situacion actual di e categoria ‘no activo’, e vision di gobierno ta reduci  e cantidad di personanan riba ‘no activo’ na 0.

Prome di januari 2020 e cantidad tabata 27 y 31 di december 2020 el a baha na 18. Mientrastanto a coloca 9 persona den e diferente taskforce di crisis team y pues a resta solamente 9 mas. Di cual 5 di nan ta dificil pa por haya un funcion pa coloca nan aden. Na inicio di Gabinete Wever - Croes, a topa cu 82 persona no activo den e asina yama ‘overtolligheidspoel’ sinembargo awe tin 9. E comparacion aki ta refleha un reduccion di 89%.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options