Maneho di Orario di Tienda pa Dianan di Fiesta

ORANJESTAD – Minister di Finansas, Asunto Economico y Cultura mr. Xiomara Maduro ta anuncia en conexion cu Dianan di Fiesta, e maneho di orario pa publico pa tienda y supermercado.

Riba diabierna 25 di december 2020 y diabierna 1 di januari 2021, no ta permiti pa un negoshi ta habri pa publico.

Pompstations, botica, sector di horeca y tiendanan cu ta situa den un hotel cu tin hotelvergunning si por habri pa publico. Durante dianan di fiesta e maneho di orario ta keda vigente y no ta haci excepcion. E funcionarionan di Departamento di Asuntonan Economico, Comercio y Industria lo eherce control riba cumplimento di e maneho di orario.

E cambio den maneho di orario e aña aki ta pa motibo di e situacion di pandemia y cu lo no tin bishita di barconan crucero e aña aki.  

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options