Locual cifranan di COVID-19 na Aruba ta indica desde 1 juli 2021

Dit item is gearchiveerd op 18-09-2021.

ORANJESTAD - Mientras e cifra di vacunacion ta sigui subi na Aruba, e cifra di esnan no-vacuna ta sigui baha.

Data ta ilustra cu apesar cu e grupo di localnan no vacuna ta representa solamente 29 % di e poblacion 18+, toch nos ta mira cu e grupo aki ta ocasiona 82%, 87% y 77% di hospitalisacion, ICU y morto, respectativamente, pa motibo di Covid-19 severo desde e comienso di e di 4 ola (despues di 1 juli).

Cuido medico rekeri como consecuencia di COVID-19 (Hopital, ICU y/of morto (1 di juli - 17 di augustus 2021). Aruba su poblacion ta consisti di un poblacion di approximadamente125 mil ciudadano teniendo na cuenta cu e grupo di esnan indocumenta. Na e momentonan aki na Aruba tin aproximadamente 58 mil ciudadano registra na Aruba entre edad di 18 aña bay ariba cu a vacuna cu tur dos shot. E grupo di esnan cu ta ariba di 18 aña cu no a vacuna ta aproximadamente 23 mil. Si tuma nota, e grupo di esnan vacuna ta casi 3 biaha mas grandi cu e grupo no vacuna. E informacion aki ta uno hopi importante cu no por descarta ora di analisa cifrasnan di COVID como cu e populacion na Aruba di esnan vacuna vs esnan no-vacuna no ta igual dus no ta 50/50.

Edad di e fayecidonan como consecuencia di COVID-19 desde 1 di juli 2021.Na Aruba for di 1 di juli 2021 nos a conoce un aumento di 2238 caso positivo di COVID-19 bou di residente di Aruba cu AZV. E cifras aki ta consisti di 783 caso nobo bou di e grupo vacuna y 1345 bou e grupo no-vacuna. Manera por observa apesar cu e grupo di esnan vacuna ta 3x mas cu esnan no-vacuna, asina mes e cantidad di contagio bou di e grupo di esnan vacuna ta menos cu di e grupo no-vacuna.

Pa locual ta cifra di esnan cu a wordo interna den hospital por señala cu desde 1 di juli un total di 116 persona (18+ local) a keda interna den hospital. Di esnan interna 21 tawata tin 1 of mas vacuna y 94 no tawata vacuna. Esaki ta traduci na un chens di 11 biaha mas grandi pa wordo interna na hospital pa motibo di Covid-19 si no ta vacuna. Di esnan interna cu mester a wordo interna den ICU, 2 tawata vacuna cu por lo menos 1 vacuna y 13 no tawata vacuna. Esaki ta traduci na un chens di 16 biaha mas grandi pa wordo interna den ICU pa motibo di Covid-19 si no ta vacuna.

Edad di e fayecidonan como consecuencia di COVID-19 desde 1 di juli 2021.Lamentablemente 14, di cual 13 ta local, persona a fayece desde 1 di juli di cual 3 tawata vacuna y 10 no tawata vacuna. Esaki ta nifica cu e chens pa muri dor di Covid-19 ta 8 biaha mas grandi pa esnan no vacuna.

Na Aruba, pa motibo cu nos ta biba poblacion mas chikito y cu nos ta na comienso di e 4 wave di Covid-19 na Aruba, e number nan aki por cambia. Pero, si ta observa e number nan aki den exterior, ta mustra cu e vacuna Pfizer ta hopi efectivo den preveni Covid-19 severo.

Esaki ta un bista di e cifranan di COVID na Aruba den e ultimo luna y con esaki ta dividi entre e categorianan di esnan vacuna y esnan no-vacuna.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options