Lo tin extra control den weekend, tur medida y regla ta keda vigente

Dit item is gearchiveerd op 29-11-2020.

ORANJESTAD- Durante e weekend aki di 30 y 31 di october, Taskforce di Crisis Team di Gobierno lo ta haciendo controlnan extra den areanan di actividad nocturno pa asina controla si ta cumpli cu e medidanan y reglanan pa minimalisa e transmision di Covid-19.

Unda tuma nota cu lugarnan no ta cumpliendo cu e reglanan lo por cera e localidad aki.

Ta conoci cu riba 31 di october hopi ta celebra e fiesta Halloween, sinembargo nos ta enfrentando e virus di Covid-19 ainda, pa cual motibo no ta permiti pa hende aglomera. Ta permiti solamente 4 persona sinta na un mesa, no ta permiti pa para of sinta na bar y tampoco mag sirbi bebida na bar. Mester mantene distancia fisico di 1.5 meter di otro persona y tapa boca ta obligatorio si ta sinta paden di un establecimento.
Pa loke ta musica, ta permiti te cu un maximo di 3 musico pa entretene clientenan, pero musica mester ta pa back ground y no duro pa atrae publico. Si e musico of DJ ripara cu hendenan no ta atene nan mes na regla, e lo tin cu para e musica.
Ora di ciere ta 11or di anochi tur dia y 12or pa 5or di mainta tin “gebiedsverbod” pa area di beach y parkinglot accesibel pa publico.

Crisis Team ta spera cu cada hende cuida nan mes y cumpli cu disciplina e reglanan pa asina nos por controla e virus, Aruba ta conta cu bo.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options