Lo evalua e medida actual di prevencion riba 1 di februari

ORANJESTAD - Crisis Team Covid-19 di Gobierno ta desea di informa cu riba 28 di januari 2021 a tuma luga e reunion pa analisa e ultimo desaroyonan relaciona cu e pandemia di Covid-19 na Aruba.

A haci un evaluacion special di e situacion actual cu e variante di COVID-19 di Reino Uni tambe ta presente awor den nos comunidad. A keda dicidi di cu riba 1 di februari 2021, despues cu haya e resultado di e diferente testnan cu a wordo manda Hulanda, lo tuma e decisionnan necesario segun cu e resultado ta exigi.

Mientrastanto tur medida cu actualmente ta na vigor te cu dia 31 di januari lo sigui na vigor despues di e fecha menciona.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options