Lo cuminsa redirigi desperdicio di taira for di Parkietenbos

ORANJESTAD - Minister Arends di Transporte, Integridad, Naturalesa y Asunto di Grandinan, a informa cu dia 22 di augustus, 2022 ta cuminsa ehecuta e plan di redireccion di desperdicio. 

E prome tipo di desperdicio lo ta taira. Motibo pa e escogencia aki tin di haber cu e hecho cu e coleccion di taira ya caba ta basta organisa den sector comercial, y e necesidad urgente di sigura cu ningun candela tuma luga mas riba e tereno di Parkietenbos.

Minister di Transporte, Integridad, Naturalesa y Asunto di Grandinan, sr. Ursell Arends.E resultado di e forum di Trash 2 Cash a identifica dos compania cu por procesa taira den forma efectivo actualmente, cual ta Ecotech y Carentra. Desde 22 di augustus 2022, lo mester  deposita tur desperdicio di taira na un di e dos localidad nan aki.  

Dia 22 di februari, 2022 a inicia e proceso pa bin cu un maneho di desperdicio pa Aruba. Como parti di un vision pa no solamente cera parkietenbos, pero tambe pa cuminsa enfoca riba reduci, reuza y recicla desperdicio, y facilita e transicion di Aruba basa riba principionan circular (economia circular).

Parti di e proceso ta pa redirigi e diferente sorto di desperidicio cu ta yega dump di parkietenbos. Asina nos por cuminsa e proceso pa cera y remedia parkietenbos, y elimina e candelanan cu a plaga Aruba pa demasiado decada.

Hunto cu tur e partners, incluyendo DNM y BCI, nos lo organisa un reunion cu stakeholders dia 3 di augustus. Ta pidi tur instancia/compania cu ta atende cu taira pa tuma contacto cu nos na info@trashtocasharuba.org.

Lo tin varios campaña di consientisacion for di tur partner pa asina informa pueblo di e proceso nobo pa deshaci di desperdicio di taira, basa riba e maneho nobo.

Pa implementa e vision ta rekeri entre otro, comprension y sosten di comunidad, y colaboracion y cooperacion entre sector publico cu sector priva.  

Desperdicio Taira.     Sistema di maneho di desperdicion - reduci, reuza y recicla desperdicio.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options