Linea di emergencia 190 pa adiccion (gearchiveerd)

Ministro encarga cu Salubridad dr. Richard Visser a inaugura e linea cu ta na disposicion di personanan cu cualkier tipo di adiccion manera droga, alcohol, wega di placa etc.
Como cu e linea ta disponibel 24 ora pa dia, 7 dia pa siman lo por yuda e cliente y su famia hopi mas miho tambe den oranan di anochi y fin di siman. Ta net den e momentonan ey, hopi hende tin problema cu comportacion pa motibo di adiccion.
E intencion di e linea di adiccion ta pa yuda no solamente e adicto, pero tambe su famia o amigo.
Tur instancia cu ta traha ariba cualkier tereno pa yuda un persona cu adiccion lo ta envolvi pa yuda coordina e ayudo profesional cu lo mester ofrece e cliente. Por menciona Iglesia, fundacionnan y instancianan gubernamental.
Tur instancia lo dispone di informacion di e clientenan cu mester di ayudo y lo por comunica cu otro mas lihe pa por duna un miho tratamento sea na Aruba mes of den exterior manera na Corsou of Hulanda.
E central ta situa na Centro Dakota y ta maneha pa e personal di e centro.