Limite di salario a aumenta entrante 1 januari 2015

Entrante 1 januari 2015 e factor cu ta uza pa calcula e limite di salario pa aplicacion di e Ordenansa Laboral 2013 a aumenta di 2 pa 2.1.
E limite di salario nobo lo ta entrante 1 januari 2015. Ta determina e limite di salario door di multiplica e salario minimo cu un factor di 2.1.

Salario minimo (Awg. 1.636,70) x factor 2.1= Awg. 3.437,07

Esaki ta encera cu trahadonan cu ta gana un salario bruto di Awg. 3.437,07 pa luna of
Awg. 41.244,84 pa aña of menos ta cay bou di proteccion di e Ordenansa Laboral 2013 y tin derecho riba tur e condicionnan di trabou stipula den e ley aki, manera orarionan maximo di trabou pa dia y pa siman, dianan di sosiego, pago di overtime y pago riba dianan di fiesta.