Ley di prohibicion di productonan dañino pa medio ambiente na vigor 1 di juli 2020

Dit item is gearchiveerd op 03-08-2020.

ORANJESTAD - Manera conoci, na aña 2018, Ministerio di Desaroyo Teritorial, Infrastructura y Medio Ambiente a anuncia e introduccion di un ley nobo locual ta prohibi productonan desechabel di plastic di un solo uzo (incluyendo biodegradables y compostables), productonan di styrofoam (polysterne), y tambe prohibicion di productonan cu ta contene kimico oxybenzone den cremanan anti solar.

Alternativa pa productonan di plasticTa asina cu entrante diaranson 1 di juli 2020, Gobierno di Aruba a prepara pa e ley aki pa bini na vigor siguiendo un proceso di conscientisacion. E crisis di COVID-19 por a conduci na retraso di campaña y preparacion debido, pero ta di elogia cu distribuidornan a planea adecuadamente y awe no tin mas styrofoam disponibel. Asina ta contribui na un medio ambiente mas saludabel riba nos isla.

Gobierno di Aruba a lansa e campaña ‘Choose Zero’ desde 2018 cual ta encera conscientisacion riba prohibicion di productonan di plastic di un solo uzo, styrofoam y oxybenzone. Directie Natuur en Milieu (DNM) a anuncia e fecha e oficial di esaki e tempo ey, informando comunidad cu e ley lo bini na vigor riba prome di juli 2020. Asina Aruba por a cuminsa prepara pa esaki.

Choose zero campaña di comunicacion productonan dañino pa medio ambienteFor di 2018 a cuminsa conscientisa ciudadanonan, comerciantenan y organisacionnan tocante e prohibicion di uzo di plastic, styrofoam y oxybenzone. Lamentablemente aña 2020 a habri bastante turbulento cu e crisis di COVID-19 na unda esaki a impedi e proceso di comunicacion, conscientisacion y informacion apropia pa implementacion di e ley aki.

Parha morto cu stoma yena cu plasticGobierno di Aruba a duna un periodo di transicion di 6 luna pa comercio y comunidad haya mas tempo pa nan por prepara adecuadamente. Ministerio di Desaroyo Teritorial, Infrastructura y Medio Ambiente a tuma e puntonan di preocupacion di e distribuidornan tambe den consideracion y lo evalua ehecucion di ley aki. Lo tuma na cuenta e crisis cu nos isla ta enfrentando y e retraso cu a surgi pa loke ta trata reduccion di e materialnan cu ta cay bou di productonan dañino pa medio ambiente.

Den e siguiente periodo Gobierno di Aruba hunto cu e departamentonan concerni lo continua cu e conscientisacion cu e simpel meta di elimina di un forma permanente e  productonan dañino pa nos medio ambiente. Pronto Gobierno di Aruba lo presenta e proceso y e instancianan cu lo bay reforsa y implementa e leynan aki.

Sushi di plasticManera tambe a menciona anteriormente, tin productonan alternativo cu ta ecologico, pues cu no ta dañino pa nos medio ambiente. Comercio, organisacionnan y ciudadanonan lo mester cuminsa haci uzo di e productonan aki. E campaña ‘Choose Zero’, tambe ta presenta basta informacion y lo percura pa sigui conscientisa riba e area aki den e temponan nos dilanti.

Rond mundo ta haci esfuerso pa basta aña caba riba minimalisacion di e uzo di productonan di plastic di un solo uzo. Ta asina cu mundialmente polucion di plastic ta un fenomeno alarmante, mirando cu esaki ta forma un peliger pa nos naturalesa y medio ambiente. Proyectonan di ley manera esaki ta cubri un rol preventivo, cual t’ey pa yuda nos tene nos naturalesa y medio ambiente den un estado sano pa nos mes y futuro generacionnan.

Nos ta traha hunto pa un portal Gubernamental pa Aruba, cu ta informativo, accesibel, y facil den uzo. Algo di comenta? Click aki

Page options